რუსთავში, 21 მ/რაიონის მიმდებარე ტერიტორიაზე, ავტობაზრობა „კავკასუს ავტოჰაუსი" გაიხსნა. საერთო ფართობით 11 ჰექტარი, ავტობაზრობა იტევს 3,400-მდე მანქანას. „კავკასუს ავტოჰაუსი" როგორც მანქანის გამყიდველებს, ისე მყიდველებს, სთავაზობს მოსახერხებელ და მომგებიან პირობებსა და ინოვაციურ მომსახურებას. პროცესების სრული ავტომატიზაცია და კლიენტებისთვის შექმნილი მაქსიმალური კომფორტი, „კავკასუს ავტოჰაუსის" უდავო უპირატესობაა.
„კავკასუს ავტოჰაუსი" ორგანიზებული ბაზრობაა, სადაც მომხმარებელს დახვდება ზონირება, ავტომობილის მოდელებისა და მარკების მიხედვით. ბაზრობაზე შემოსვლისთანავე, ავტომობილის გამყიდველები სარგებლობენ ავტომატიზირებული მომსახურებით - ავტობაზრობის სპეციალურად მომზადებული, კვალიფიციური პერსონალი, ადგილზევე ელექტრონულად დაარეგისტრირებს შემოსული ავტომობილის მონაცემებს, მოხდება მანქანის ფოტოგადაღება სამი მხრიდან და შეყვანილი ინფორმაცია და ფოტომასალა ავტომატურად აიტვირთება ვებგვერდზე www.cah.ge; „კავკასუს ავტოჰაუსის" მომხმარებელს, ასევე შეუძლია წინასწარ დაჯავშნოს ავტომობილის დასაყენებლი მისთვის სასურველი ადგილი პირდაპირ ვებგვერდიდან. ხსენებული ვებგვერდის მეშვეობოთ, მყიდველებს შესაძლებლობა აქვთ შეავსონ განაცხადი სასურველ ავტომობილზე, შეავსონ ავტოსესხის განაცხადი, მოახდინონ განბაჟებისა და დაზღვევის ტარიფების კალკულაცია.
თბილისის გზატკეცილიდან ხელსაყრელი მდებარეობის გარდა, „კავკასუს ავტოჰაუსის" ტერიტორიაზე მომხმარებელს დახვდება: მომსახურების სააგენტოს მომსახურება, საბანკო მომსახურება, სადაც მომხმარებელს ასევე შეუძლია სესხზე განაცხადის გაკეთება და მოსასვენებელი ადგილი კაფეტერიით.
„კავკასუს ავტოჰაუსი", ეს არის ინოვაცია ავტომობილების ყიდვა-გაყიდვის სფეროში. ჩვენი მიზანია, შევცვალოთ ამ სექტორში არსებული მოძველებული მომსახურების სტანდარტები და შევთავაზოთ მომხმარებელს პროცესის სრული ავტომატიზაცია და მრავალფუნქციური ვებგვერდი, რომლის მეშვეობითაც მომხმარებელი შეძლებს ავტომობილის ყიდვა-გაყიდვასთნ დაკავშირებული საკითხების გადაჭრას ინტერნეტის დახმარებით. „კავკასუს ავტოჰაუსი" დაამკვიდრებს სტანდარტიზირებულ პროფესიონალურ მომსახურებას და ავტომობილის გამყიდველებსა და მყიდველებს მაღალკვალიფიციური თანამშრომლების გუნდის დახმარებას შესთავაზებს," განაცხადა „კავკასუს ავტოჰაუსის" დირექტორმა, ალეკო ბახტაძემ.
გახსნასთან დაკავშირებით, 16, 17 და 18 მარტს, „კავკასუს ავტოჰაუსი" სპეციალურ პირობებს სთავაზობს ავტომობილის გამყიდველებსა და მყიდველბს - მანქანის გაყიდვის მსურველები შეძლებენ ავტომობილის დაყენებას უფასოდ, ხოლო მყიდველებს საჩუქრად გადაეცემათ მანქანის გაფორმება და ტექპასპორტი.
„კავკასუს ავტოჰაუსი" მუშაობს ყოველ დღე. ამასთან, განბაჟების მსურველთათვის, მომსახურება გათვალისწინებულია ღამის საათებშიც.
