ამერიკელი ჯარისკაცი, რომელმაც 16 მშვიდობიანი ავღანელი დახოცა კუვეიტში მდებარე აშშ-ს სამხედრო ბაზაზე გადაიყვანეს.ინფორმაციას ამის შესახებ ამერიკული მედია ავრცელებს.
ამის მიზეზად ამერიკული მედია ასახელებს იმას, რომ მისი "გაჩერება ავღანურ ბაზაზე მეტი შეუძლებელი იყო, ვინაიდან იქ ამისათვის შესაბამისი პირობები არ არსებობდა".
ქუვეიტში მდებარე ბაზაზე კი არსებობს შესაბამისი ინფრასტრუქტურა და სპეციალური პერსონალი, რომელიც ამ ჯარისკაცით დაკავდება.
ავღანელმა ბოევიკებმა უკვე დადეს პირობა, რომ ამერიკელ სამხდროების მშვიდობიანი მოსახლეობის დახოცვას არ შეარჩენენ და მათ თითოეული დაღუპული ავღანელისათვის აგებინებენ პასუხს.
აშშ-ს პრეზიდენტმა ბარაკ ობამამ ამ შემთხვევის გამო ავღანეთს მოუბოდიშა, ხოლო აშშ-ს თავდაცვის მინისტრმა ლეონ პანეტამ კი განაცხადა, რომ ეს ჯარისკაცი ამერიკული ტრიბუნალის მიერ გამოტანილი განაჩენით შესაძლოა სიკვდილით დასაჯონ.
