სოჭში მთავარი სარკინიგზო სადგურში მგზავრების ევაკუაცია მიმდინარეობს. ინფორმაციას ამის შესახებ რუსული მედია ავრცელებს. მათი ინფორმაციით, სამართალდამცავები სადგურის ტერიტორიაზე ხმამაღლა აცხადებენ, რომ მგზავრებმა ყველა ტერმინალი სასწრაფოდ უნდა დატოვონ.
სადგურის შენობასთან უკვე თავს იყრის სამართალდამცავთა და სახანძრო მანქანები. სადგურის ირგვლივ ისმის სამაშველო ავტომობილების სირენა. აღსანიშნავია, რომ სამართალდამცავი ორგანოები აღნიშნულის შესახებ არავითარ კომენტარს არ აკეთებენ და აცხადებენ, რომ ისინი თავად ახლა იწყებენ სიტუაციაში გარკვევას.