სულ მცირე 112 ადამიანი დაიღუპა ბანგლადეშში, მდინარე მეგჰაზე, ბორანის ჩაძირვის გამო. ინფორმაციას ამის შესახებ "ბი-ბი-სი" ავრცელებს. გავრცელებული ინფორმაციით, დაღუპულთა რაოდენობა ამ დროისთვის 112-ია, თუმცა ეს რიცხვი შესაძლოა გაიზარდოს.
"ამ დროისთვის დაღუპულთა რაოდენობა 112-ია, თუმცა სამაშველო ოპერაცია გრძელდება", -აცხადებენ ხელისუფლების წარმომადგენლები. ამასთან, 10 მგზავრზე მეტი დაკარგულად ითვლება. ჯერჯერობით დაუდგენელია, თუ რა რაოდენობის მგზავრი იმყოფებოდა ბორანზე კატასტროფის დროს. ვინაიდან მგზავრების ზუსტი სია არ არსებობს, არის ვარაუდი, რომ ბორანზე 200-ზე მეტი ადამიანი იმყოფებოდა.
