საქართველოს სტატისტიკის ეროვნულმა სამსახურმა ბაზრების, ბაზრობების და ბაზრობის ტიპის საწარმოების წლიური გამოკვლევა დაიწყო. გამოკვლევას ექვემდებარება ქვეყანაში მოქმედი ყველა ბაზრის და/ან ბაზრობის ორგანიზებით დაკავებული ეკონომიკური სუბიექტი.
აღნიშნული გამოკვლევის შედეგად მიიღება ბაზრების (ბაზრობების) ორგანიზებით დაკავებული ეკონომიკური სუბიექტების საქმიანობის ამსახველი მაჩვენებლები სხვადასხვა ჭრილში: რაოდენობა, დაკავებული ფართობი, სავაჭრო ადგილების და გამყიდველთა რაოდენობა საშუალოდ ერთ დღეში, დასაქმებულთა და დაქირავებულთა რაოდენობა, მატერიალურ-ტექნიკური ბაზა, ბაზრების ტერიტორიაზე არსებულ საწარმოთა რაოდენობა, შემოსავლები, ხარჯები და სხვა.
გამოკვლევის შედეგებს საქსტატი 2012 წლის ივლისში გამოაქვეყნებს.
