ქსენია სობჩაკსა და ილია იაშინს გამოცემა "ლაიფ ნიუსი" ჟურნალისტზე თავდასხმაში ადანაშაულებს.
გამოცემის მიერ გავრცელებული ინფორმაციით, ცნობილი ტელეწამყვანი "ლაიფ ნიუსის" ჟურნალისტს მაშინ დაესხა თავს, როდესაც ჟურნალისტი ცდილობდა გადაეღო, როგორ ხვდებოდა სობჩაკი საკუთარ რესტორანში ოპოზიციონერებს.
"ლაიფ ნიუსის" რედაქტორი საკუთარ ბლოგზე შინაგან სამინისტროსადმი მიწერილ ღია წერილს აქვეყნებს, სადაც მომხდარის გამოძიებას ითხოვს. ქსენია სობჩაკი კი, თავის მხრივ აცხადებს, რომ მის პირად შეხვედრებზე თვალყურის დევნებისა და ფარული გადაღების უფლებას არავის მისცემს.