სამგზავრო თვითმფრინავის Airbus მწარმოებელმა და ექვსმა მსხვილმა საჰაერო გადამზიდავმა ევროკავშირის მიერ ნახშირბადის გადასახადის შემოღების გამო საფრანგეთის, გერმანიის, დიდი ბრიტანეთისა და ესპანეთის მთავრობის ხელმძღვანელებს კრიტიკული წერილი გაუგზავნეს.
ევროპის ქვეყნების ხელმძღვანელების მიმართ Airbus-ის, British Airways-ის, Virgin Atlantic-ის, Lufthansa-ის, Air France-ის, Air Berlin-ისა და Iberia-ს მიერ გაგზავნილი წერილები შეიცავს "გაფრთხილებას" გადასახადის "ეკონომიური შედეგების" შესახებ, რომელიც კომპანიის ხელმძღვანელების აზრით, მათი დარგისთვის "მიუღებელ" საფრთხეს წარმოადსგენს.
როგორც ცნობოლია, 1-ელი იანვრიდან ევროკავშირმა კლიმატური ცვლილებების წინააღმდეგ ბრძოლის მიზნით, ატმოსფეროში სათბურის გაზების გამონაბოლქვზე ფულადი გადასახადი შემოიღო.
შესაბამისად, ყველა ავიოკომპანიას, რომელიც ევროკავშირის ქვეყნებში ახორციელებს ფრენებს, გარკვეული კვოტები დაუდგინდათ. კერძოდ გასული წლის მონაცემების მიხედვით კომპანია გამონაბოლქვის 85%-ზე გადასახადს გადაიხდის.
ამ მოთხოვნას ექვემდებარება სხვადასხვა ქვეყნის დაახლოებით 4 ათასი ავიაგადამზიდავი.
აღსანიშნავია, რომ რუსეთი ევროკავშირის ინიციატივის წინააღმდეგ გამოდის და ალტერნატიულ ზომებს თავაზობს.
ევროპული აეროკოსმიური და თავდაცვის კონცერნის ხელმძღვანელმა ლუი გალუამ ევროკავშირს მოუწოდა გადახედოს მის გადაწყვეტილებას და უარი თქვას ავიაკომპანიების მიმართ გადასახადის გამოყენებაზე.