მალე ფინანსთა სამინისტროს განახლებული მოქალაქეთა მისაღები ექნება. სამინისტროს ინფორნაციით, სახელმწიფოსა და გადამხდელებს შორის ტრანსფარენტული ურთიერთობა ფინანსთა სამინისტროს ერთ-ერთი მნიშვნელოვანი ორიენტირია. სწორედ ამიტომ მალე ფინანსთა სამინისტროს ცენტრალურ შენობაში სხვადასხვა სახის მომსახურების მიღებას თანამედროვე და კომფორტულ გარემოში შეძლებენ.
„220 კვ.მ ფართობის განახლებული მოქალაქეთა მისაღები დარბაზი და შენობის შესასვლელი მთლიანად უპასუხებს საერთაშორისო სტანდარტებს. დარბაზში იმუშევებს 8 ოპერატორი, რომლებიც სწრაფად მოემსახურებიან ყველა დაინტერესებულ მომხმარებელს, ხელმისაწვდომი იქნება ინტერნეტი, განთავსდება საინფორმაციო დაფა. ახალი ინფრასტრუქტურის ამოქმედების შემდეგ, მოქალაქეებს უფრო ნაკლები დრო და ენერგია დაეხარჯებათ ფინანსთა სამინისტროსთან ურთიერთობისას"- აცხადებენ ფინანსთა სამინისტროში.