"აჭარის ონკოლოგიის ცენტრის" მფლობელი ფიზიკური პირი ბენიამინ ჭელიძე გახდა. ჭელიძემ სამედიცინო დაწესებულება ელეტრონულ აუციონზე 463 ათას 500 ლარად შეიძინა.
"აჭარის ონკოლოგიის ცენტრის" საწყისი ღირებულება 450 ათას ლარად იყო განსაზღვრული. საპრივატიზაციო პირობების თანახმად, მყიდველი ვალდებულია არაუგვიანეს 2013 წლის 20 დეკემბრამდე უზრუნველყოს შპს ''აჭარის ავტონომიური რესპუბლიკის ონკოლოგიის ცენტრის'' რეაბილიტაცია და პროფილის შენარჩუნების ვადაში უზრუნველყოს ჯანმრთელობის დაცვის სახელმწიფო და ადგილობრივ პროგრამებში მონაწილეობია მიღება. აუქციონის პირობების თანახმად, ინვესტორი ვალდებულია ასევე აუქციონის დასრულებიდან 2012 წლის 20 დეკემბრამდე უზრუნველყოს წინა წლების დარჩენილი გადასახდელი დივიდენდის 514 224 ლარის გადახდა.
აღსანიშნავია, რომ "აჭარის ონკოლოგიის ცენტრი" აუქციონზე 3-ჯერ იყო გამოტანილი, საიდანაც ორი მცდელობა უშედეგოდ დასრულდა. . ობიექტის საწყისი ღირებულება პირველად აუქციონზე 1,5 მლნ. ლარი იყო, ხოლო მეორად აუქციონზე კი 0,9 მლნ. ლარი.
