საქართველოს საერთაშორისო აეროპორტების მართვაში ფრანგული კომპანია შემოდის. თურქული კომპანია TAV Havalimanlari Holding A.S, რომელიც თბილისისა და ბათუმის საერთაშორისო აეროპორტებს მმართავს პოზიციებს თმობს და აქციათა 38 %-ს ყიდის.
კომპანიის ინფორმაციით, Aéroports de Paris Group-ი TAV-ის მიერ გამოშვებულ აქციათა 38% შეისყიდის. გარიგების საერთო ღირებულება 874 მილიონი აშშ დოლარია.
ორივე კომპანიის მფლობელობაში 37 აეროპორტია და ისინი ყოველწლიურად 180 მილიონ მგზავრს უწევენ მომსახურებას.
იმავდროულად ცნობილი ხდება, რომ Aéroports de Paris Group-ი TAV Yatirim Holding-ის 49%-ს შეიძენს.
TAV -ი თურქეთისა და საქართველოს გარდა, ასევე მართავს ლატვიის, მაკედონიის, საუდის არაბეთის და ტუნისის აეროპორტებს.
