აჭარა მაიამიში, „Crusie Shipping Miami" წარსდგება. აჭარის მთავრობის თავმჯდომარის, ლევან ვარშალომიძის ხელმძღვანელობით სამთავრობო დელეგაცია ამერიკაში გამეგზავრა, რომელიც მაიამიში დაგეგმილ საერთაშორისო გამოფენაში „Crusie Shipping Miami" მიიღებს მონაწილეობას.
„Crusie Shipping Miami" -ში აჭარა მეორედაა წარმოდგენილი. აჭარის დელეგაცია შავი ზღვის სხვადასხვა საპორტო ქალაქებთან ერთად ბათუმის ტურისტულ და საკრიუზო პოტენციალს საგამოფენო სტენდზე წარადგენს.
გამოფენის ფარგლებში ლევან ვარშალომიძე მსოფლიოს წამყვანი საკრუიზო ასოციაციების, პორტებისა და ტურისტული სააგენტოების წარმომადგენლებს შეხვდება. მთავრობის თავმჯდომარე მათთან აჭარაში საკრუიზო ტურიზმის განვითარების მიმართულებით ორმხრივი თანამშრომლობის საკითხებს განიხილავს.
გარდა ამისა, ლევან ვარშლომიძე მოლაპარაკებებს გამართავს მსოფლიოში ერთ-ერთ უმსხვილესი საკრუიზო კომპანიის „როიალ კარიბიანის" ხელმძღვანელებთან და ბათუმის პორტის განვითარების პროექტის დეტალებს გაეცნობა. აჭარის მთავრობას კომპანიასთან ურთიერთთანამშრომლობის მემორანდუმი აკავშირებს. იგი გასული წლის ზაფხულში გაფორმდა. „როიალ კარიბიანმა" ბათუმის პორტის განვითარება უნდა უზრუნველყოს, რომელიც დიდი მოცულობის საკრუიზო გემების მიღებას შეძლებს.