"ჩეხეთის ავიახაზები" საქართველოს ტოვებს. როგორც "ჯი-ეიჩ-ენს" საქართველოში ავიაკომპანიის ოფიციალური წარმომადგენლობაში - ტურისტული კომპანია "ბერიკაში" განუცხადეს, „ჩეხეთის ავიახაზები" საქართველოდან ფრენებს ოფიციალურად 1-ლი ივნისიდან შეწყვეტს.
"ბერიკაში" "ჩეხეთის ავიახაზების" საქართველოდან გასვლის მიზეზებს არ ასახელებენ, თუმც განმარტავენ, რომ ბოლო პერიოდში კომპანიამ თბილისის მიმართულებით რეისები მინიმუმამდეა შეამცირა.
ავიაკომპანიის წარმომადგენლობაში აცხადებენ, რომ თავდაპირველად „ჩეხეთის ავიახაზები" თბილისი-პრაღას მიმართულებით რეისებს ყოველდღიურად ასრულებდა, შემდგომ ავიაკომპანიამ რეისები კვირაში სამამდე შეამცირა, თუმც დღეისათვის ავიაკომპანია კვირაში მხოლოდ 2 რეისს ასრულებს. 1-ლი ივნისიდან კი თბილისიდან ავიარეისებს საერთოდ შეწყვეტს.