8 მარტს, „თეგეტა მოტორსმა" მომხმარებელს გამორჩეული და ორიგინალური აქცია შესთავაზა. აქციის ფარგლებში „თეგეტა მოტორსის" ცენტრალურ ფილიალში მამაკაცებს მიეცათ შანსი, გაელამაზებინათ დღე საყვარელი მანდილოსნისთვის, ქალბატონებს კი შეეძლოთ მონაწილეობა მიიღოთ პორშეს „ტესტ დრაივში" და აღებეჭდათ დღე ფოტოსესიის მეშვეობით.
მამაკაცებს, რომლებიც მობრძანდნენ საყვარელი მანდილოსნის კუთვნილი ავტომანქანის შესაკეთებლად, „თეგეტა მოტორსმა" უფასო მომსახურების ვაუჩერები გადასცა. უფასო ვაუჩერები მიიღეს ასევე მანდილოსანმა მძღოლებმაც, რომელთა გამოყენების შესაძლებლობა მანდილოსნებს წლის ბოლომდე ექნებათ. ვაუჩერების მეშვეობით შესაძლებელია სასურველი მომსახურების შერჩევა: კომპიუტერული დიაგნოსტიკა, სავალი ნაწილის შემოწმება, თვლების შეყრა... ასევე, ყველა მანდილოსანს საჩუქრად გადაეცა ავტომობილის რეცხვის ბარათები.
გარდა ზემოთაღნიშნულისა, მთელი დღის განმავლობაში მანდილოსნებს საშუალება ჰქონდათ გაესეირნათ ავტომობილით „პორშე პანამერა" და მონაწილეობა მიეღოთ პროფესიონალი ფოტოგრაფის მიერ გადაღებულ ფოტოსესიაში.
აქციით დაინტერესება გამოხატა ასობით მანდილოსანმა. „თეგეტა მოტორსთან" ერთად, 8 მარტი გაილამაზეს ლალი ტოტიკაშვილმა, ანი გიუნტერმა და სხვა ცნობილმა სახეებმა.
8 მარტს „თეგეტა მოტორსის" ცენტრალურ ფილიალში მისულ მომხმარებელს დილიდანვე დახვდა სასიამოვნო გარემო, სპეციალურად მოწყობილი „შოუ რუმები" საიუველირო და ყვავილების მაღაზიებისგან, სპეციალური ფასდაკლებები და მრავალი სიურპრიზი.
აღნიშნული ღონისძიებისთვის, პარტნიორმა კომპანიებმა „სვაროვსკი", „არტ თაიმი", „მანდარინა", დააწესეს სპეციალური ფასდაკლებები და სასაჩურე ბარათები საიუველირო პროდუქციაზე. ადგილზე გაიმართა საიუველირო კომპანია „ბაკარასა" და ყვავილების ონლაინ მაღაზია Bouquetshop.ge-ს გამოფენა-გაყიდვა.