ირანის ენრგეტიკის მინისტრის მოადგილემ მოჰამედ ბეჰზადმა სააგენტო "მეხრი"-სთვის მიცემულ ინტერვიუში კომენტარი გააკეთა ახალი ელექტროგადამცემი ხაზის მშენებლობაზე, რომელიც მიზნად ისახავს ირანს, სომხეთსა და საქართველოს შორის ელექტროენერგიის მოცულობის გაცვლის ზრდას.
მინისტრმა განაცხადა, რომ ეს 400 კვ. ძაბვრის ელექტროგადამცემი ხაზი ევროპის ქვეყნებთან ელექტროენერგიის გაცვლისა და ტრანზიტის ახალი მარშუტი გახდება.
მოჰამედ ბეჰზადმა დააზუსტა, რომ ახალი ელექტროგადამცემი ხაზის აშენების მიზანია მიაწოდოს ელექტროენერგია საქართველოს, შემდეგში რუსეთს და ევროპის სხვა ქვეყნებს გადმოსცემს.
ამჟამად, ელექტროენერგიის გაცვლისათვის ირანსა და სომხეთს შორის არსებობს ელექტროგადამცემი ხაზი არსებობს, თუმც ვარაუდობენ, რომ ახალი ელექტროგადამცემი ხაზი საშუალებას იძლევა ირანიდან საქართველოს ,სომხეთის ტერიტორიის გავლით, ელექტროენერგია მიაწოდოს.
მოჰამედ ბეჰზადმა აღნიშნა, რომ ამჟამად ელექტროენერგიის გაცვლა ირანსა და საქართველოს შორის აზერბაიჯანის ტერიტორიის გავლით ხორციელდება.
ამჟამად, ირანი ახორციელებს ელექტროენერგიის ექსპორტს თურქეთში, თურქმენეთში, ერაყში, ავღანეთსა და პაკისტანში.ასევე დაგეგმილია ირანის ენერგო სისტემის დაკავშირება ქვეყნებთან რომლებიც სპარსეთის ყურის სამხრეთ სანაპიროზეა განლაგებული.
ასევე მიმდინარეობს აზერბაიჯანთან მოლაპარაკება, რათა მისი ტერიტორიის გავლით განხორციელდეს ირანისა და რუსეთის ენერგეტიკული ქსელების შეერთება. გარდა ამისა თურქეთან განიხილება ენერგეტიკული ქსელის ირანის ლიბანთან შეერთების საკითხი.
ვარაუდობენ, რომ მოლაპარაკებების წარმატებით დამთავრების შემთხვევაში ირანი გახდება ელექტროენერგეტიკის ცენტრი ახლო და შუა აღმოსავლეთში.