არაბულმა ავიაკომპანია Fly dubai-მ, რომელიც შესაძლოა მალე საქართველოს ბაზარზედაც გამოჩნდეს, ავიაპარკი გააფართოვა. კომპანიის ინფორმაციით, ერთ თვეში კომპანიამ 2 ხომალდი შეიძინა, რითაც თავისი ავიაპარკის შემადგენლობა 19-მდე გაზარდა.
"ამ წელიწადში კომპანიამ უკვე მეშვიდე თვითმფრინავი იყიდა. ახალი Boeing 737-800 NG, რომლის ღირებულებაც 80 მლნ. დოლარია, სიეტლიდან დუბაიში უკვე ჩაიყვანეს და უახლოეს პერიოდში 38 მიმართულებით იფრენს. 2015 წლისთვის კი ავიაკომპანია დამატებით 50 ავიალაინერის შეძენას აპირებს.
Flydubai ამჟამად ავიარეისებს ასრულებს ბეირუთში, ამანში, დამასკოში, ალექსანდრიაში, ჯიბუტიში, დოჰაში, ბაჰრეინში, კატმანდუში, ბაქოში და სხვა მიმართულებით.
