ციტრუსოვანთა კულტურებში მავნებელ-დაავადებათა წინააღმდეგ აგროწესებით გათვალისწინებული ქიმიური ღონისძიებების რიგით მესამე წამლობა დაწყო.
რეგიონის ფერმერთა მომსახურების სერვის-ცენტრებისა და მუნიციპალიტეტებიდან მიღებული მონაცემების მიხედვით მიმდინარე წელს ციტრუსოვანთა ბაღებში აგროტექნიკური ღონისძიებების პირველი და მეორე ეტაპი ჩაატარა რეგიონის მეციტრუსე ფერმერთა საერთო რაოდენობის (22 880 ფერმერი) 26,7%-მა, დაახლოებით 6200 ფერმერმა, რაც გასული წლის ანალოგიურ მაჩვენებელს 3-ჯერ აღემატება. აღსანიშნავია რომ ამ დროისათვის მიმდინარეობს ციტრუსოვანთა კულტურებში წამლობითი ღონისძიებების მესამე ეტაპი რაც გაზრდის დამუშავებული ფართობების რაოდენობას.
რეგიონში ციტრუსს 22880-მდე ფერმერი აწარმოებს, რაც რეგიონის მიწათმოსარგებლე (55 ათასამდე კომლი) კომლების 41 %-ს შეადგენს.
წამლობითი ღონისძიებების დროულად და ხარისხიანად ჩაუტარებლობა უარყოფითად აისახება როგორც წარმოებული პროდუქციის მოცულობაზე, ისე მის ხარისხზე.
სპეციალისტთა რჩევების გათვალისწინებით, ციტრუსოვანთა ბაღებში აგროტექნიკური წესების დაცვით ქიმიური წამლობითი ღონისძიებების ჩატარება მეციტრუსე ფერმერებს საშუალებას მისცემს გაზარდონ საჰექტარო მოსავლიანობა, წარმოებული პროდუქციის ხარისხი და შესაბამისად ფინანსური შემოსავლები.