ბრაზილიელმა ბიზნესმენებმა, შესაძლოა, საქართველოს ენერგოსექტორში ინვესტიციის განხორციელება დაიწყონ.
საგარეო უწყების ინფორმაციით, გრიგოლ ვაშაძე, რომელიც ამჟამად ოფიციალური ვიზიტით ბრაზილიაში იმყოფება, უკვე შეხვდა ქვეყნის ენერგეტიკისა და წიაღისეულის მინისტრ ედისონ ლობაოს.
ენერგეტიკისა და წიაღისეულის მინისტრთან შეხვედრისას მხარეებმა ენრეგეტიკის სფეროში საქართველოსა და ბრაზილიას შორის თანამშრომლობის საკითხები განიხილეს, კერძოდ, ბრაზილიის მსხვილი კომპანიების მონაწილეობა საქართველოში არსებული ენერგეტიკული პროექტების განხორციელებაში.
საქართველოს საგარეო საქმეთა სამინისტრმა ხაზგასმით აღნიშნა, რომ საქართველო დაინტერესებულია მსოფლიოში აღიარებული ბრაზილიური ჰიდროელექტრო კომპანიების მონაწილეობით საქართველოს ენერგეტიკულ პროექტებში. შეხვედრისას მხარეებმა დასახეს კონკრეტული გზები ორ ქვეყანას შორის თანამშრომლობის შემდგომი განვითარების მიზნით.
