ხელისუფლების დაპირების მიუხედავად, საქართველოში ხორბლის იმპორტი იზრდება, რადგანაც საქართველოში შემოტანილი ხორბლის ღირებულება 32 %-ითაა გაზრდილი. "საქსტატის" ინფორმაციით, 2011 წლის იანვარ-ივლისში საქართველოში საქართველოში 97 მლნ. 105 ათას 700 დოლარის ხორბლის იმპორტი, მოხდა, მაშინ როდესაც გასული წლის ანალოგიურ პერიოდში საქართველოში იმპორტირებული ხორბლის მოცულობამ 73 მლნ. 798 ათას 400 დოლარის ხორბლის იმპორტია განხორციელებული.
ექსპერტი ეკონომიკის საკითხებში ირაკლი ლექვინაძე აცხადებს, რომ საქართველოში ხორბლის იმპორტის ზრდა დაკავშირებული შეიძლება იყოს ადგილობრივი წარმოების შემცირებასთან და მარაგების ზრდის პროცესთან, რომელიც მსოფლიოში ამ პროდუქტზე არსებულ იაფ ფასებს უკავშირდება. ლექვინაძის განმარტებით, ოქტომბრიდან ზორბალზე ფასების ზრდის მოლოდინი არსებობს. მისივე ინფორმაციით, ადგილობრივი მოთხოვნის მკვეთრ ზრდას ადგილი არ ქონია.
„ოფიციალური სტატისტიკით 2006 წლიდან 2008 წლამდე საქართველოში 1 სულ მოსახლეზე ხორბლის წარმოების მოცულობა 1 სულზე წელიწადში 16 კგ-დან 18 კგ-მდე გაიზარდა, 2010 წლისთვის კი 11 კგ-მდე შემცირდა, ეს ნიშნავს რომ ნათესები შემცირდა, ამ პერიოდისთვის კი 1 სულზე მოხმარება 108 კგ-ს შეადგენდა, რაც ნიშნავს, რომ 2010 წლისთვის საქართველოში წარმოებული ხორბლის 10%-ი აკმაყოფილებდა ადგილობრივ მოთხოვნილებას"- აცხადებს ლექვინაძე.
ექსპერტის განმარტებით, მიმდინარე წელს პრეზიდენტის ინიციატივით უნდა მომხდარიყო ნათესების ზრდა და ადგილობრივი წარმოების ხორბლით მოთხოვნის 30%-მდე უნდა დაეკმაყოფილებინა, თუმცა ამის პარალელურად ხდება იმპორტის ზრდა.
საგულისხმოა, რომ საქართველოს მთავრობა ხორბლისა და სიმინდის პროგრამებს დადებითად აფასებს. სოფლის მეურნეობის სამინისტროს ინფორმაციით, ქვეყანა ხორბალზე საერთო მოხმარების 35 პროცენტს ადგილობრივი ხორბლით დააკმაყოფილებს. სამინისტროს ინფორმაციით, წლევანდელი ალოობა ბოლო 10 წლის განმავლობაში ყველაზე უხვმოსავლიანია. „ეს მთავრობის მიერ შემუშავებული იმ გეგმის დამსახურებაა, რომლის ფარგლებშიც საქართველოში ამერიკის შეერთებული შტატებიდან მაღალმოსავლიანი ხორბლის თესლის შემოტანა მოხდა. ჯაგერის ჯიშის სათესლე მასალამ გაამართლა საქართველოს პირობებში. იმ ფერმერებმა, ვინც სწორედ ეს თესლი გამოიყენეს ჰექტარზე მინიმუმ 4 ტონა ხორბლის მოსავალი აიღეს. ამან კი ქვეყანაში საშუალო მოსავლიანობის მაჩვენებელიც მკვეთრად გაზარდა" - განმარტავენ სამინისტროში.
კვეზერელის უწყებაში განმარტავენ, რომმ ხორბლის პროგრამის განხორციელების შედეგად, ქვეყანაში მარალი ხარისხის სათესლე მასალაც გაჩნდა. შემოტანილი ჯაგერის ჯიშის თესლი პირველი რეპროდუქციის იყო, რაც საშუალებას იძლევა მისგან მიღებული მოსავლიდან ნაწილის სათესლედ გამოყენებას 3 წლის განმავლობაში. ამავე დროს ქვეყანაში განახლდა სასოფლო-სამეურნეო ტექნიკის ბაზა. ამჟამად ყველა მსურველს შეუძლია გამოიყენებოს თანამედროვე კომბაინები, რომელთა დანაკარგიც თითქმის ნულის ტოლია. შედარებისთვის ძველი ტექნიკის პირობებში მოსავლის 20 პროცენტზე მეტი აღების დროს იკარგებოდა.
გასულ წლებში ადგილობრივი ხორბლით ქვეყანა საერთო მოხმარების მხოლოდ 15 პროცენტის დაკმაყოფილებას ახერხებდა. სოფლის მეურნეობის მინისტრს ბაკურ კვეზერელს კიიმედი აქვს, რომ 2012 წლისთვის ხორბალზე საერთო მოხმარება 35 პროცენტით აუცილებლად დაკმაყოფილდება.