საქართველოდან არაბეთის გაერთიანებულ ემირატებში 2011 წლის იანვარ-ივლისში 21 მლნ. 771 ათას 900 დოლარის პროდუქციის ექსპორტი განხორციელდა. ემირატებიდან კი 7 თვეში საქართველოში 135 მლნ. 316 ათას 400 დოლარის პროდუქცია შემოვიდა.
საქსტატის ინფორმაციის თანახმად, 7 თვეში არაბეთის გაერთიანებულ ემირატებში საქართველოდან ყველაზე დიდი რაოდენობით ნარჩენები და შავი ლითონების ჯართი გავიდა. სტატისტიკური ინფორმაციით, საქართველოდან ემირატებში ექსპორტირებულია 10 მლნ. 109 ათას 800 დოლარის ჯართი გავიდა. საქართველოდან ემირატებში გატანილია ასევე დიდი რაოდენობით სპილენძის ჯართი, სულ 5 მლნ. 349 ათას 400 დოლარის და ასევე ალუმინის ჯართი 2მლნ. 89 ათას 200 დოლარის. ემირატებში დიდი რაოდენობით არის გაყვანილი მსუბუქი ავტომობილები (7თვის განმავლობაში 2მლნ. 838 ათას 100 დოლარის).
საქსტატის ინფორმაციის თანახმად, საქართველოდან არაბეთის გაერთიანებულ ემირატებში გატანალია ასევე მინერალური და მტკნარი წყლები; სუნამოები და ტუალეტის წყალი; კოსმეტიკური საშუალებები; ხე-ტყის მასალა; ტყვიისა და თუთის ჯართი; სადენები; ბატარეები; საფრენი აპარატის ნაწილები და სხვა.
გასულ წელთან შედარებით, 2011 წლის იანვარ-ივლისში საქართველოდან ემირატებში აღარ განხორციელებულა კაკლის, ანტიდონატორების, აბაზანისა და შხაპის მოწყობილობების, ხის სამშენებლო ნაწარმის, მოსაპირკეთებელი ფილების, ფეროშენადნობების და ელექტროაპარატურის მოწყობილობების ექსპორტი.
2011 წლის იანვარ-ივლისში ემირატებიდან საქართველოში ყველაზე დიდი რაოდენობით საფრენი აპარატების იმპორტი განხორციელდა. საქსტატის ინფორმაციით, 7 თვეში ემირატებიდან საქართველოში იმპროტირებულია 29მლნ. 771 ათას 500 დოლარის საფრენი აპარატები. მაშინ როდესაც, გასული წლის ანალოგიურ პერიოდში არაბეთის გაერთიანებული ემირატებიდან მხოლოდ 120 ათასი დოლარის საფრენი აპარატების იმპორტი მოხდა. ემირატებიდან საქართველოში სოლიდური რაოდენობითაა ასევე იმპორტირებული სატელოფონო აპარატები, რამაც 7 თვეში 17 მლნ. 481 ათას 700 დოლარი შეადგინა. ემირატებიდან განხორციელდა ასევე დიდი რაოდენობით სატელევეზიო კავშირისთვის მიმღები აპარატურა, რამაც 7 თვეში 7მლნ. 605 ათას 800 დოლარი შეადგინა.
ემირატებიდან საქართველოში იმპორტირებულია ხორცპროდუქტები, თევზეული, რძის ნაწარმი, ჩაი და არომატიზატორები, ხილ-ბოსტნეული, ნავთობპროდუქტები, სუნამოები და ტუალეტის წყალი, კოსმეტიკური საშუალებები, მზა წებოები, ეთილენის პოლიმერები, შლანგები და მილები, აბაზანისა და შხაპის მოწყობილობები, პლასტმასისა და რეზინის ნაწარმი, საკვოიაჟები და ჩემოდნები, ქაღალდის ნაწარმი, ქსოვილები და ბამბა, ტანსაცმელი, ფეხსაცმელი, დამუშავებელი და დაუმუშავებელი ალმასები, საიუველირო ნაკეთობები, ბიჟუტერია, გამომთვლელი მანქანები, თმის საკრეჭი მანქანები, ტრაქტორები, მსუბუქი და სატვირთო ავტომობილები, ველოსიპედები, საბავშვო ეტლები, ფოტოკამერები, ცოცხები და ჯაგრისები, ფანქრები და სხვა.
