2015 წლის ბოლომდე ქობულეთში ახალი სასტუმრო კომპლექსი აშენდება. ინვესტორის მოსაძიებლად, აჭარის ფინანსთა და ეკონომიკის სამინისტრომ ელექტრონული აუქციონი უკვე გამოაცხადა.
აჭარის მთავრობა ქობულეთში, აღმაშენებლის ქუჩა №215-ში მდებარე შენობა-ნაგებობებს ყიდის. ობიექტის საწყისი ღირებულება 655 ათასი ლარია და აუქციონი 13 სექტემბერსაა დანიშნული.
სამინისტროს ინფორმაციით, ინვესტორი ვალდებულია პირობებიანი ელექტრონული აუქციონის ჩატარებიდან 48 თვის ვადაში პრივატიზებული ქონების ნაცვლად, ააშენოს და ექსპლუატაციაში შეიყვანოს სასტუმრო კომპლექსი, არა ნაკლებ 40 სასტუმრო ნომრით.