იანვარ-ივლისში საქართველოდან რუსეთში 22 მლნ 615 ათას 200 დოლარის პროდუქციის ექსპორტი განხორციელდა, მაშინ, როდესაც რუსეთიდან საქართველოში 177 მლნ 558 ათას 700 დოლარის პროდუქცია შემოიტანეს.
საქართველოდან რუსეთში იანვარ-ივლისში ყველაზე დიდი რაოდენობით ელექტროენერგიის ექსპორტი განხორციელდა, თუმცა 2011 წელს 2010 წლის იანვარ-ივლისთან შედარებით, რუსეთში იმპორტირებული ელექტროენერგიის მოცულობა შემცირებულია. საქსტატის ინფორმაციით, 2011 წლის იანვარ-ივლისში საქართველოდან რუსეთში 11 მლნ 661 ათას 800 დოლარის ელექტროენერგია გავიდა, ხოლო 2010 წლის იანვარ-ივლისში - 17 მლნ 761 ათას 300 დოლარის ელექტროენერგია.
ელექტროენნერგიის გარდა, რუსეთსი ყველაზე მეტი რაოდენობით მუბუქი ავტომობილებია გაყანილი, რომლის სექსპორტო ღიებულებამაც 7 თვეში 3 მლნ 111 ატას 400 დოლარი შეადგინა. 2010 წლის 7 თვეში კი საქართველოდან რუსეთში 172 ათას 400 დოლარის ავტომობლებია გაყვანილი. რუსეთში ასევე დიდი რაოდენობითაა გატანილი ფეროშენდნობები. საანგარიშო პერიოდში საქართველოდან რუსეთში 2 მლნ 921 ათას 400 დოლარის ფეროშენადნობები გავიდა.
აღსანიშნავია, რომ საქართველოდან რუსეთში გატანილია ასევე ხილფაფები, თიხის მასალა, მანგანუმის კონცენტრატები, მანგანუმის ოქსიდები, სამკურნლო საშუალებები, რეზერვუარები, ცისტერნები, ხრახნები, ჭანჭიკები, ქანჩები, გამათბობელი ღუმელები, მიკროავტობისები და სატვირთო ავტომობილები.
რაც შეეხება რუსეთიდან საქართველოში იმპორტს, ყველაზე დიდი რაოდენობით შემოტანილია ნავთობის აირები და აირისებრი ნახშირწყლები, სულ 37 მლნ 418 ათას 800 დოლარის. რუსეთიდან დიდი რაოდენობითაა შემოსული ასევე ნავთობპროდუქტი - 7 თვეში სულ 19 მლნ 882 ათას 900 დოლარის და ელექტროენერგია - 10 მლნ 479 ათას 200 დოლარის.
დიდი რაოდენობითაა იმპორტირებული მარცვლეული, თუმცა მისი იმპორტი გასული წლის ანალოგიურ პერიოდთან შედარებით საგრძნობლდაა შემცირებული. საქსტატის ინფორმაციით, 2011 წლის იანვარ-ივლისში რუსეთიდან საქართველოში შემოტანილია 14 მლნ 920 ათას 600 დოლარის მარცვლეული, ხოლო 20101 წლის იმავე პერიოდში - 48 მლნ 860 ათას 800 დოლარის მარცვლეული.
სტატისტიკური ინფორმაციის თანახმად, რუსეთიდან საქართველოში იმპორტირებულია ასევე თევზეული და რძის ნაწარმი, ჩაი და არომატიზატორები, ფქვილ-ბურღულეული, საჭმელი ზეთი, მარგარინი, საკონდიტრო ნაწარმი, ხილისა და ბოსტნეულის წვენები, მინერალური გაზირებული წყლები და ლუდი, ორგანოთერაპიისთვის განკუთვნილი ჯირკვლები და სხვა ორგანოები, ადამიანისა და ცხოველის სისხლი, სამკურნალო საშუალებები, საღებავი საშუალებები, სუნამოები, ტუალეტის წყალი, ასანთი, ქაღალდი, პერიოდული ბეჭდური გამოცემები, საიუველირო ნაკეთობები, სასუნთქი ნიღბები და სხვა.
