ქობულეთში მრავალფუნქციურ სავაჭრო ცებტრს ფიზიკური პირი, გელა თხილაიშვილი ააშენებს. სუბიექტმა, ცენტრის მშენებლობის უფლება ელექტრონული აუქციონის საშუალებით მიიღო, სადაც მან აჭარის ფინანსთა და ეკონომიკის სამინისტროდან ქობულეთში, რუსთაველის ქუჩა №123-ში მდებარე, 3398 კვ.მ მიწის ფართი, 200 ათას ლარად იყიდა. ობიექტის საწყისი ღირებულება კი 196 ათასი ლარით იყო განსაზღვრული.
აუქციონის პირობების მიხედვით, მყიდველი ვალდებულია საპრივატიზებო თანხა 20 დეკემბრამდე გადაიხადოს. ხოლო პირობებიანი ელექტრონული აუქციონის ჩატარებიდან 6 თვის ვადაშიმრავალფუნქციური სავაჭრო ცენტრი აამოქმედოს, სადაც 500 სამუშაო ადგილი შეიქმნება. პირობების მიხედვით ინვესტორი ვალდებულია ცენტრის მშენებლობაში მინიმუმ 0,5 მლნ ლარის ინვესტიცია განახორციელოს.
