დღეს უნცია ოქროზე ფასმა პირველად ისტორიაში 1900 აშშ დოლარს მიაღწია და 1894.80 დოლარი შეადგინა. იოჰანესბურგის საფონდო ბირჟის ინფორმაციაში აღნიშნულია, რომ ინვესტორებმა ოქროზე მოთხოვნა წამყვანი ეკონომიკების ვარდნის მოლოდინიში გაზარდეს.
ოქროს ფასი 15 დღის განმავლობაში 15%-ით გაიზარდა. მთლიანობაში ოქროზე ფასები 2009 წლის შემდეგ იზრდება.
წლის დასაწყისში ანალიტიკოსები ვარაუდობდნენ, რომ უნცია ოქროზე ფასი წლის ბოლოს 2500 აშშ დოლარამდე გაიზრდება.
ოქროს ფასის რეკორდი 1980 წელს დაფიქსირდა, როდესაც უნცია ოქრო 850 აშშ დოლარს შედგენდა, რაც აშშ დოლარის გაუფასურების ფონზე დღევანდელ 2400 აშშ დოლარს შეადგენს.
