ხვალიდან საქართველოში ბენზის ფასის გაიაფება დაიწყება. საცალო ქსელში ბენზინის ფასი პირველი ეტაპისათვის 5 თეთრით გაიაფდება როგორც სააგენტო "ჯი-ეიჩ-ენთან" საუბრისას ნავთობპროდუქტების იმპორტიორთა კავშირის თავმჯდომარემ ვანო მთვრალაშვილმა განაცხადა უახლოეს პერიოდში საცალო ქსელში ბენზინის გაიაფება დაიწყება.
"ბოლო პერიოდში აშშ-ში განვითარებული მოვლენების გამო, მსოფლიო სასაქონლო ბაზრებზე, ნავთობის ფასის ვარდნა მოხდა. პარალელურად დაიკლო ბენზინისა და ნავთობის საერთაშორისო ფასებმაც. ცნობილია, რომ ჩვენი ბაზარი მთლიანადაა დამოკიდებული და მიბმული საერთაშორისო ბაზრებზე არსებულ ვითარებაზე.. კომპანიებს გააჩნიათ იმისი რესურსი, რომ ხვალ, ან ზეგ საქართველოში ბენზინის ფასი გაიაფდეს" - აცხადებს ვანო მთვრალაშვილი.
ვანო მთვარალაშვილი განმარტავს, რომ ბოლო პერიოდში საწვავის მოწოდებასთან დაკავშირებით გარკვეული პრობლემები, და რომ არა ეს პრობლემები მაშინ საცალო ქსელში საწვავის ფასი უფრო ადრე დაიკლებდა. მისი თქმით, საწვავის გაიაფება მნიშვნელოვანია მომხმარებლისათვის, რადგანაც ზაფხულში მისი მოხმარება იზრდება.
"თვითონ ზაფხულის პერიოდში, სტატისტიკას თუ გადავხედავთ, საერთაშორისო ბაზარზე ნავთობზე ფასების კლება არ დაფიქსირებულა. ეს კი თავის მხრივ ბოლო წლების უპრეცენდენტო მოვლენაა, რადგანაც ზაფხულში მოხმარება იზრდება, რაც ნიშნავს იმას, რომ მისი ფასი იზრდება. თუმცა აშშ-ში, ევროზონაში და რიგ ქვეყნებში განვითარებულმა მოვლენებმა განაპირობა ის, რომ ნავთობის ფასმა დაიკო"- აცხადებს ვანო მთვარალაშვილი.