2011 წლის პირველ კვარტალში, სასტუმროებისა და რესტორნების ბრუნვის მოცულობა, 2010 წლის შესაბამის პერიოდთან შედარებით 30.5 პროცენტით გაიზარდა და 88,5 მლნ. ლარი შეადგინა, პროდუქციის გამოშვების მოცულობა კი, 29.7 პროცენტით გაიზარდა და 83,5 მლნ. ლარით განისაზღვრა.
სასტუმროებისა და რესტორნების საწარმოთა ზომის მიხედვით, ბრუნვის მოცულობის ყველაზე მაღალი - 39.7 პროცენტიანი ზრდის მაჩვენებელი მსხვილ საწარმოებში აღინიშნა. 24.4 პროცენტით გაიზარდა ბრუნვის მოცულობა მცირე ზომის საწარმოებში.
პროდუქციის გამოშვების მოცულობის ყველაზე მაღალი ზრდის მაჩვენებელი მსხვილ საწარმოებში დაფიქსირდა - 38.6 პროცენტი. მცირე ზომის საწარმოებში ეს მაჩვენებელი 25.6 პროცენტით განისაზღვრა.
ამავე პერიოდში, სასტუმროებსა და რესტორნებში დასაქმებულთა რაოდენობა 4.7 პროცენტით გაიზარდა. მსხვილ ბიზნესში დასაქმებულთა რაოდენობა 21.7 პროცენტით, მცირე ბიზნესში კი, 10.5 პროცენტით გაიზარდა
