"საქართველოს ბანკმა" ანაკლიაში სასტუმრო "ოქროს საწმისი"-ს მშენებლობა¿2 მილიონი აშშ დოლარის მოცულობის სესხით დააფინანსა. საზეიმო გახსნა დღეს შედგება.
როგორც "ჯი-ეიჩ-ენს" ბანკიდან აცნობეს, ბოლო წელიწადნახევრის განმავლობაში "საქართველოს ბანკმა" საქართველოში არაერთი სასტუმროს მშენებლობა დააფინანსა და მნიშვნელოვანი წვლილი შეიტანა სასტუმრო ბიზნესის განვითარებაში. მსოფლიოში ცნობილი სასტუმროების ქსელების გარდა, როგორიცაა Radisson Blu და Holiday Inn, "საქართველოს ბანკი" ასევე მხარს უჭერს ადგილობრივ სასტუმრო ბიზნეს, რისი ერთ-ერთი თვალსაჩინო მაგალითია სასტუმრო "ოქროს საწმისისათვის" სესხის გამოყოფა.
სასტუმრო "ოქროს საწმისი" მდებარეობს ანაკლიაში და წარმოადგენს საერთაშორისო დონის 5* სასტუმროს. "ოქროს საწმისი" დაიტევს 105 სასტუმრო ოთახს და საერთაშორისო კლასის სასტუმროსათვის საჭირო ინფრასტრუქტურას. სასტუმროს მთლიანი ტერიტორია 15,200 კვ.მ-ია. "ოქროს საწმისში" 60-მდე ადამიანი დასაქმდა. სასტუმრო გამიზნულია როგორც დასვენების, ისე საქმიანი მიზნით ჩამოსული სტუმრებისთვის.