ავიამარშრუტი დოჰა-ბაქო-თბილისი, რომელის განხორციელებაც 30 ნომებერიდან უნდა დაწყებულიყო, 2012 წლის 1-ელ თებერვლამდე გადავადდა.

აღნიშნული მიზეზად ავიაკომპანია გაზრდილი შიდა რეისების მოთხოვნის ფონზე თვითმფრინავების დეფიციტს ასახელებს.

"ყატარის ავიახაზების" საქართველოში ფრენის შესახებ ინფორმაცია რამდენიმე თვის უკან გავრცელდა.ეკონომიკისა და მდგრადი განვითარების მინისტრის განმარტებით კი, რომელივ მან 18 თებერვალს გააკეთა, "ყატარის ავიახაზებს" დოჰა-თბილისის მიმართულებით ფრენა წლის ბოლომდე უნდა დაეწყო.
ვერა ქობალიას განმარტებით, "ყატარის ავიახაზები" ფერენების განრიგს ყოველ 6 თვეში ანახლებს და, სავარაუდოდ, მორიგი განახლების შემდეგ მათ განრიგში საქართველოც ჩაჯდებოდა.

"ყატარის ავიახაზები" ყოველ 18 თვეში ახალ თვითმფრინავს ყიდულობს და ყოველ 6 თვეში განრიგს წერენ იმ ქვეყნებისა და რეგიონების ჩათვლით სადაც იფრენენ. ამიტომ საქართველო მათ გრაფიკში 2011 წლის ბოლოს ჩაჯდება. ზუსტი თარიღი ამ დროისათვის უცნობია" - განაცხადა ეკონომიკისა და მდგრადი განვითარების მინისტრმა.

შეგახსენებთ, რომ ცოტა ხნის უკან საქართველოსა და ყატარს შორის საჰაერო მიმოსვლის შესახებ ხელშეკრულება გაფორმდა.
აღნიშნული შეთანხმება საქართველოს საშუალებას აძლევს აზიისა და ევროპის მთავარი დამაკავშირებელი საჰაერო მაგისტრალი გახდეს.
"ყატარის ავიახაზებმა" საქართველოს ბაზრის ათვისების სურვილი რამდენიმე თვის უკან გამოთქვა. კომპანიის 50 %-ს სახელმწიფო, ხოლო 50%-ს კერძო პირები ფლობენ. 2015 წლისთვის ავიაკომპანიას ავიაპარკის შევსება 110 თვითმფრინავამდე აქვს დაგეგმილი.