საქართველოს ჯანდაცვის მინისტრმა, აჭარის ჯანდაცვის მინისტრთან ერთად ბათუმში სადაზღვევო კომპანია იმედი - L-ის მშენებარე საავადმყოფო დაათვალიერეს, რომლის მშენებლობა თითქმის დასრულებულია და მალე სარემონტო სამუშაოები დაიწყება.
ბათუმის გარდა, აჭარის ტერიტორიაზე იმედი - L კიდევ ექვს საავადმყოფოს აშენებს. ყველა მათგანი აღჭურვილი იქნება უახლესი, მაღალტექნოლოგიური აპარატურით და დაკომპლექტდება კვალიფიციური, ადგილობრივი და მოწვეული სპეციალისტებით.
საავადმყოფო მომავალი წლის ივლისიდან დაიწყებს ფუნქციონირებას. ასევე უნდა აღინიშნოს, რომ გადაუდებელ სამედიცინო მომსახურეობაში უცხოური ენის მცოდნე სპეციალისტები დასაქმდებიან, რაც გაამარტივებს ტურისტების მომსახურებას საჭიროების შემთხვევაში.
მინისტრებმა დღესვე ბათუმში უკვე რეაბილიტირებული საავადმყოფოები მოინახულეს. ამ დროისთვის რესპუბლიკურ საავადმყოფოში დასრულებულია ქირურგიული და კარდიოლოგიური განყოფილებების რეაბილიტაცია.
