"IDS ბორჯომი საქართველოს" აქციებს რუსული კომპანია ყიდულობს, ამის შესახებ ინფორმაციას რუსეთში ქართველთა კავშირის წარმომადგენელი იგორ გვრიტიშვილი ავრცელებს.
მისი თქმით, "ბორჯომის" მწარმოებელ კომპანიებში აქციების 25 %-ი ამერიკული კომპანიას ეკუთვნის და ამერიკული მხარეს გადაწყვეტილი აქვს თავისი აქციები ერთ-ერთ რუსულ კომპანიას მიყიდოს.
გვრიტიშვილი არა კონკრეტებს, თუ რომელ რუსულ კომპანიას აქვს გადაწყვეტილი "IDS ბორჯომი საქართველოს" აქციების 25 %-ის ყიდვა, თუმცა იგი დარწმუნებულია, რომ უახლოეს დღეებში მოლაპარაკებები რუსული კომპანიის სასარგებლოს დასრულდება.
როგორც ცნობილია რამდენიმე დღის უკან "როსპოტრებნადზორმა" რუსეთში ქართული მინერალური წყლის, "ბორჯომის", მიწოდების აღდგენის საკითხის განხილვა დაიწყო.
"მომხმარებელთა უფლებების დაცვისა და ადამიანის კეთილდღეობის ფედერალურ სამსახურში შესულია ოფიციალური განაცხადი რუსეთის ფედერაციაში "ბორჯომის" შეტანის შესახებ, რომელიც ამჟამად განიხილება", - იტყობინება "როსპოტრებნადზორი".
კორპორაცია "IDS Borjomi International"-ი 2004 წელს კომპანია "GG&MW"-ს საფუძველზე დაარსდა, დღეისათვის კი ოთხ კომპანიას - "IDS ბორჯომი საქართველოს," " IDS Group - Ukraine", "IDS Borjomi Russia" და "IDS Borjomi Europe"-საერთიანებს. საერთაშორისო კორპორაციის ბრენდების პორტფელი ქართული, უკრაინული და რუსული წარმოშობის მინერალური წყლის 12 ბრენდს მოიცავს და 8 ჩამოსასხმელ ქარხანას ფლობს.
კომპანია „IDS ბორჯომი საქართველო" მინერალური წყლების ბაზრის ლიდერია საქართველოში. ბაზარზე მისი პროდუქცია წარმოდგენილია მინერალური წყლის შემდეგი ბრენდებით: „ბორჯომი", „ლიკანი", „ბორჯომის წყაროები" და „ბაკურიანი". საქვეყნოდ ცნობილი ბრენდი „ბორჯომი" დღესდღეობით მსოფლიოს 30-ზე მეტ ქვეყანაშია ექსპორტით გასული.
საქართველოს მინისა და მინერალური წყლების კომპანია (GG&MW - კომპანია «ბორჯომი») დაფუძნდა 1995 წელს და ამჟამად კომპანია ეკუთვნის სელფორდის საინვესტიციო ფონდსა და კერძო ინვესტორებს, მათ შორის კომპანიის ტოპ მენეჯერებს. კომპანიის პრეზიდენტია მამუკა ხაზარაძე.