სურსათის ეროვნულმა სააგენტომ სამეგრელოს, გურიისა და აჭარის რეგიონებში საშიში საკარანტინო მავნებლის - ამერიკული თეთრი პეპლის მეორე თაობის წინააღმდეგ ქიმიურ წამლობა განაახლა. ღონისძიება სახელმწიფო მიზნობრივი პროგრამის - "მცენარეთა დაცვა და ფიტოსანიტარული კეთილსაიმედოობის" ფარგლებში მიმდინარეობს. დასავლეთ საქართველოში სულ დამუშავდება 16000 ჰა ფართობი. აღნიშნულ ღონისძიებებს ბათუმში სააგენტოს უფროსი დავით კობერიძე დაესწრო.
სააგენტოს ინფორმაციით, დასავლეთ საქარტველოში მავნებლის გავრცელების არეალის შემცირებისა და ძლიერი კერების ლიკვიდაციის მიზნით გამოიყენება სპეციალური ტექნიკა და თანამედროვე ტექნოლოგიები მაღალი ხეების შესასხურებლად. მაღალი წარმარდობის აგრეგატები უზრუნველყოფენ დროის მცირე მონაკვეთში დიდი ფართობების დამუშავებას ქიმიური და ბიოლოგიური პრეპარატებით. ღონისძიება გაგრძელდება მავნებლის დაჭუპრებამდე. პირველი თაობის წინაარმდეგ ბრძოლა შეწყდა 22 ივლისს.
ამერიკული თეთრი პეპელა საშიში საკარანტინო მავნებელია, რომელიც გავრცელებულია მსოფლიოს ბევრ ქვეყანაში. იგი აზიანებს 300-ზე მეტი დასახელების მცენარეს. რამდენიუმე წლის მავნეობის შემდეგ კი მცენარე ხმება. სურსათის ეროვნული სააგენტო ყოველწლიურად ახორციელებს მავნებლის წინააღმდეგ ბრძოლის ქიმიურ და ბიოლოგიურ ღონისძიებებს, რამაც საგრძნობლად შეამცირა მავნებლის რიცხოვნობა.
პირველად მავნებელი საქართველოში 1976 წელს სამტრედიის რაიონში დაფიქსირდა.
მასალის გამოყენების პირობები
