ქობულეთში მრავალფუნქციური სავაჭრო ცენტრის მშენებლობა იგეგმება. აჭარის ფინანსთა და ეკონომიკის სამინისტრომ ამ მიზნით ელექტრონულ აუქციონზე გასაყიდად, ქობულეთში, რუსთაველის ქუჩა №123-ში მდებარე, 3398 კვ.მ მიწის ფართი გაიტანა. ობიექტის საწყისი ღირებულება 196 ათასი ლარია. ელექტრონული აუქციონი 24 აგვისტოს გაიმართება.
აუქციონის პირობების მიხედვით, მყიდველი ვალდებულია საპრივატიზებო თანხა 20 დეკემბრამდე გადაიხადოს. ხოლო პირობებიანი ელექტრონული აუქციონის ჩატარებიდან 6 თვის ვადაშიმრავალფუნქციური სავაჭრო ცენტრი აამოქმედოს, სადაც 500 სამუშაო ადგილი შეიქმნება. პირობების მიხედვით ინვესტორი ვალდებულია ცენტრის მშენებლობაში მინიმუმ 0,5 მლნ ლარის ინვესტიცია განახორციელოს.
