დღეიდან მობილური ოპერატორ ბილაინის ქსელით სარგებლობა, სვანეთში, კერძოდ ევროპის ყველაზე მაღალ დასახლებაში, უშგულშიც იჭერს, გარდა ამისა ბილაინის ქსელით სარგებლობა დღეიდან ლენტეხი- მესტიის ტრასის მონაკვეთზეც არის შესაძლებელი.
"ჩვენ, შევასრულეთ პირობა, რომელიც წლის დასაწყისში მივეცით ჩვენს მომხმარებლებს, და სვანეთშიც დავიწყეთ ქსელის მშენებლობა. მშენებლობა, ამინდების გაუარესებამდე დასრულდება, და სექტემბერში გაცილებით უკეთესი ქსელი გვექნება. მხოლოდ 10 დღე გავიდა იმის შემდეგ, რაც ბილაინმა პირველი საბაზო სადგური აამუშავა სვანეთში, თუმცა ჩვენი მშენებლობის ტემპი არ ნელდება, და სექტემბირსთვის იგეგმებმა სვანეთში ჩვენი ქსელის სრულყოფილად გამართვა.
როგორც თქვენ იცით, ბილაინის ძირითად ამოცანას დაფარვის ზონის გაფართოება წარმოადგენს, კომპანიას დასახული აქვს, რომ 2011 წლის ბოლოს, დაფარვის ზონა მაქსიმალურად მიუახლოვდეს სრულყოფილს. ქვეყნის ტურისტული მიმართულებების განსაკუთრებით გააქტიურების პარალელურად, ბილაინი ცდილობს, რომ საუკეთესო ხარისხის დაფარვის ზონა შესთავაზოს აბონენტებს, იქ სადაც ტურისტული ნაკადი განსაკუთრებით გაიზარდა", - განაცხადა ბილაინის გენერალურმა დირექტორმა ანდრეი პიატახინმა.
შეგახსენებთ, რომ უკვე რამდენიმე თვეა, ბილაინი აქტურად აფართოებს დაფარვის არეალს. კომპანიის ქსელით სარგებლობა სრულყოფილად შესაძლებელია დიდ ქალაქებში და ქვეყნის ძირითად ტრასებზე, მიმდინარეობს ინტენსიური მუშაობა შედარებით რთულად ასათვისებელ, მთიან რეგიონებზე.