"საქართველოს ნავთობისა და გაზის კორპორაციის" შვილობილმა "საქართველოს მწვანე ენერგიის განვითარების კომპანიამ" მდინარეებზე - წაბლარზე, ტეხურასა და ყვირილაზე - 10 მცირე ზომის ჰიდროელექტროსადგურის პროექტირებასა და ტექნიკურ-ეკონომიკური დასაბუთების მომზადებაში მონაწილეობის მისაღებად ინტერესთა გამოხატვა და წინასაკვალიფიკაციო შერჩევა გამოაცხადა.
დაინტერესებულმა კომპანიებმა ან კომპანიათა ჯგუფებმა სატენდერო ეტაპზე გადასასვლელად უნდა წარადგინონ ინფორმაცია მათი გამოცდილების და შესაძლებლობის შესახებ, მათ შორისაა: ბოლო 5 წლის აუდირებული ფინანსური ანგარიშები, ჰიდროელექტროსადგურის მშენებლობის თანამედროვე სტანდარტები და მეთოდოლოგიები, თანამედროვე საინჟინრო პროგრამული უზრუნველყოფა, გეოლოგიური, გეოდეზიური და ჰიდროლოგიური კველევების მეთოდოლოგიები, პროექტირების გეგმა და სხვა.
ინტერესთა გამოხატვაში მონაწილეობის მსურველებმა წინადადებების პაკეტი 5 სექტემბერამდე უნდა გაგზავნონ ფოსტით ან ელექტრონულად "საქართველოს ნავთობისა და გაზის კორპორაციაში."
