ხვალ, 18 აგვისტოს, ბათუმში საქართველოს მთავრობასა და გერმანიის განვითარებისა და რეკონსტრუქციის ბანკს (KFW) შორის მორიგი ხელშეკრულება გაფორმდება. ხელშეკრულების მიხედვით, ბათუმი საკომუნიკაციო ინფრასტრუქტურის მოწერიგებისათვის 39 მლნ. ევროს მიიღებს.
ფინანსთა სამინისტროს ინფორმაციით, 18 აგვისტოს 10:45 საათზე, ბათუმის იუსტიციის სახლში, KFW-სა და საქართველოს მთავრობას შორის სამი საგრანტო და ერთ სასესხო ხელშეკრულება გაფორმდება, რომლის მიხედვითაც საქართველოს მთავრობა ბათუმში მიმდინარე წყლისა და კანალიზაციის სისტემის სარეაბილიტაციო სამუშაოების, მესამე ფაზის დასაწყებას 39 მლნ. ევროს მიიღებს. ხელშეკრილებას ხელს საქართველოს ფინანსთა მინისტრი დიმიტრი გვინდაძე და გერმანიის განვითარებისა და რეკონსტრუქციის ბანკის წარმომადგენელი მოაწერენ.
ბათუმის წყალ-საკანალიზაციო სისტემების რეაბილიტაციის პროექტი სამი ეტაპისგან შედგება, რომლის დასრულების შედეგად ქალაქ ბათუმს სრულიად განახლებული მუნიციპალური ინფრასტრუქტურა ექნება.
ბათუმის წყლის და საკანალიზაციო სისტემის რეაბილიტაციის პირველ ეტაპი გერმანიის მთავრობამ 17 მლნ. ევროთი, ხოლო მეორე ეტაპი 45 მლნ. ევროთი დააფინანსა. ცნობილია, რომ პროექტის მესამე ფაზაში ბათუმის ახლად შემოერთებული ტერიტორიები და მიმდებარე ქუჩებიც ჩაერთვება.
პროექტის მიხედვით, მიწისქვეშა კომუნიკაციის მოსაწესრიგებლად სულ 100 მლნ ევროზე მეტი დაიხარჯება.
