ქართული ღვინო სტამბულის საერთაშორისო აეროპორტში გაიყიდება. სოფლის მეურნეობის სამინისტროსა და "TAV ჰოლდინგს" შორის თანამშრომლობის შედეგად, სტამბულის ათათურქის საერთაშორისო აეროპორტში, ,,დუთი ფრის" ზონაში ქართულ ღვინის კუთხის გახსნა გახდა შესაძლებელი.
მაღაზიაში სხვადასხვა კომპანიების მიერ წარმოებული ქართული ღვინის ბრენდები გამოიფინა.
სტამბულის ათათურქის საერთაშორისო აეროპორტში, რომელიც მგზავრთა გამტარუნარიანობით ევროპაში რიგით მერვე აეროპორტია, ქართულ ღვინოს 20 მილიონამდე მგზავრს შესთავაზებენ. ეს ხელს შეუწყობს არა მარტო ქართული ღვინის პოპულარიზაციას, არამედ ეროვნული ღვინის პროდუქციის შესახებ ცნობადობის გაფართოვებას და საერთაშორისო ბაზარზე პოზიციის გამყარებას.