საქართველოს სოფლის მეურნეობის სამინისტროს, სურსათის ეროვნული სააგენტო აჭარაში ამერიკული თეთრი პეპელას მეორე გენერაციის წინააღმდეგ ბრძოლის ქიმიურ ღონისძიებებს აგრძელებს.
შეწამვლისას თერმული ნისლი გამოიყენება, რომლის შეფრქვევაც ხეებზე სპეციალური აგრეგატით "დინაფოკი 1200''-ით ხდება. აღნიშნული აპარატით საათში 40 ჰექტრის შეწამვლაა შესაძლებელი. სპეციალისტები ამერიკული თეთრი პეპლის წინააღმდეგ პრეპარატ "დეცისს'' იყენებენ.
ამერიკული თეთრი პეპლის მეორე თაობის წინააღმდეგ ბრძოლის ქიმიური ღონისძიებები აჭარაში სამი დღის წინ დაიწყო და ერთ კვირაში დასრულდება. ამ დროისათვის წამლობითი ღონისძიებები ჩატარებულია 150 ჰექტარზე.
აჭარის სოფლის მეურნეობის სამინისტრომ ორგანიზება გაუწია ამერიკული თეთრი პეპლის საწინააღმდეგო ღონისძიების განხორციელებას რეგიონში და ხელი შეუწყო მოსახლეობის ინფორმირებულობას უსაფრთხოებასთან დაკავშირებით.
ამერიკული თეთრი პეპლის წინააღმდეგ შეწამვლით ღონისძიებასთან დაკავშირებით მოსახლეობას შეუძლია დარეკოს ცხელ ხაზზე.
