16 აგვისტოს, 15:00 საათზე, თბილისში, სასტუმრო „ძველი მეტეხის" საკონფერენციო დარბაზში გაიმართება სოციოლოგიური და მარკეტინგული კვლევების ცენტრ IPL-ის და „ახალგაზრდა ფინანსისტთა და ბიზნესმენთა ასოციაცია - აფბას" სოციოლოგიური ჯგუფის მიერ ჩატარებული გამოკითხვის შედეგების პრეზენტაციისადმი მიძღვნილი ბრიფინგი.
კვლევის თემაა: „საქართველოს მთავრობის ეკონომიკური პოლიტიკა, მისდამი მოქალაქეთა დამოკიდებულება, ადამიანების სოციალური დაცულობის მდგომარეობა". გამოკითხვა ჩატარდა ქ. თბილისში, შემთხვევითი შერჩევის პრინციპით. გამოიკითხა 1000 რესპოდენტი.
მოქალაქეებმა უპასუხეს კითხვებს: ბოლო 5 წლის განმავლობაში გაიზარდა თუ შემცირდა მისი და მისი ოჯახის შემოსავლები, მხარს უჭერს თუ არა ამჟამინდელი ხელისუფლების ეკონომიკურ პოლიტიკას, სინგაპურის მოდელი უფრო მოსწონს, ევროპის ქვეყნების თუ ჩინეთის, მხარს უჭერს თუ არა გენმოდიფიცირებული ჯიშების დანერგვას საქართველოში, სასოფლო-სამეურნეო სავარგულების ინდოელებზე, ჩინელებზე მიყიდვას და ასე შემდეგ.