სასურსათო პროდუქტებზე მაღალი ფასები განვითარებადი ქვეყნებისათვის საშიშ ვითარებას ქმნის. ამის შესახებ მსოფლიო ბანკი აცხადებს.
მსოფლიო ბანკში მიიჩნევენ, რომ კვების პროდუქტებზე ფასების ზრდა, მწვავედ აყენებს შიმშილისა და სასმელი წყლის პრობლემას განვითარებად ქვეყნებში, იმის მიუხედავად, რომ მიმდინარე წლის თებერვალში ფასებმა გარკვეულწილად დაიკლო, მთლიანობაში კი ის 30 %-ით აღემატება გასული წლის ფასებს.
მსოფლიო ბანკის მოხსენების მიხედვით, რიგ პროდუქტებზე ფასები 50 %-ით გაიზარდა. განსაკუთრებით ყურადსაღებია ის გარემოება, რომ მარცვლეულზე კერძოდ კი, ხორბალზე ფასი 55 %-ით, ხოლო სიმინდზე 84 %-ით გაიზარდა.
მსოფლიო ბანკის უკმაყოფილებას გამოთქვამს იმ გარემოებით, რომ მთლიანობაში სასურსათო პროდუქციის მარაგები მნიშვნელოვნადაა შემცირებული, რაც ბაზარზე არასტაბილურ ვითარებას ქმნის და ერთგვარად განაპირობებს კიდეც ფასების ზრდას.