"სილქნეტს" არამართლზომიერი რეტრანსლირებისთვის სანქცია დაეკისრა. საქართველოს კომუნიკაციების ეროვნულმა კომისიის ინფორმაციით, ადმინსიტრაციული წარმოების ფარგლებში კომისია "სილქნეტს" გარკვეული სამაუწყებლო არხების არამართლზომიერ რეტრანსლირებას ედავებოდა.
დღეს კომისიაში გამართულ სხდომას კომპანიის წარმომადგენელებიც ესწრებოდნენ. მათ საკუთარი კომპანიის პოზიციის დაფიქსირების საშუალება მიეცათ. საკითხთან დაკავშირებით, ყველა მტკიცებულების შესწავლის შემდეგ, საქართველოს კომუნიკაციების ეროვნულმა კომისიამ შპს "სილქნეტის" გაფრთხილების გადაწყვეტილება მიიღო. კომპანიას დაევალა შემდეგი სამაუწყებლო არხების: "Luxe TV"- ის, "Armenia TV"- ის და "AzTV"- ის არამართლზომიერი გადაცემის დაუყოვნებლივ შეწყვეტა.