2010 წელს საქართველოში განხორციელებულმა პირდაპირმა უცხოურმა ინვესტიციებმა 814 მლნ. დოლარი შეადგინა, რაც 24 %-ით მეტია 2009 წლის მაჩვენებლებთან შედარებით.
"საქსტატის" ინფორმაციით, 2010 წელს უმსხვილესი პირდაპირი ინვესტორი ქვეყნების წილმა საქართველოში 58% ეადგინა. ამასთან, ევროკავშირის წევრი ქვეყნებიდან განხორციელებულმა პირდაპირმა უცხოურმა ინვესტიციებმა 248 მლნ. აშშ დოლარი და მთლიანი ინვესტიციების 30% შეადგინა,ხოლო დსთ-ის წევრი ქვეყნებიდან 91 მლნ. აშშ დოლარი და შესაბამისად 11 პროცენტი.
"საქსტატის" ინფორმაციით, უმსხვილესი ინვესტორი ქვეყნების პროცენტულ სტრუქტურას 2010 წელს განხორციელებული პირდაპირი უცხოური ინვესტიციების მიხედვით გვიჩვენებს სექტორული დიაგრამა, რომლის მიხედვით, პირველ ადგილზე აშშ იმყოფება 17 პროცენტით, მეორეზე თურქეთი 11 პროცენტით, მესამეზე ნიდერლანდები 9 პროცენტით, ხოლო მომდევნო პოზიციებს გაერთიანებული სამეფო, აზერბაიჯანი და არაბეთის გაერთიანებული ემირატები იკავებენ დაახლოებით 7-7 პროცენტით.