როგორც დღეს, მათავრობის სხდომაზე პრემიერ-მინისტრმა ნიკა გილაურმა განაცხადა, რთველის პროცესი 25 აგვისტოს დაიწყება და რამდენიმე კვირაში დასრულდება.

სოფლის მეურნეობის მინისტრის ბაკურ კვეზერელის განმარტებით კი, ყურძნის ჩაბარებაზე 27 კომპანია იმუშავებს და ყურძნის ჩაბარება 32 წერტილში იქნება შესაზლებელი.

"სამინისტროს წარმომადგნლები უკვე შევხვდით ყურძნის გადამამუშავებელი კომპანიების წარმომადგენლებს. ამ დროისთვის შეჯერებულია ის მონაცემები, რომელიც იქნება გადამუშავებული. იმუშავებს 27 კომპანია, რომლებიც ოპერირებას მოახდენენ 32 წერტილში. ჩვენი მიზანია რაც შეიძლება სწრაფად და ორგანიზებულად გადავამუშაოთ ყურძენი. სახელმწიფო ბიუჯეტიდან უკვე გამოყოფილია თანხები მევენახეების ფინანსური მხარდაჭერისთვის, რაც დამატებით გადაეხდებათ გლეხებს ვაუჩერის სახით. გარდა ამისა, კომპანიები მზად არიან მიიღონ და გადაამუშაონ ყურძენი", - განაცხადა კვეზერელმა.

"ჯი-ეჩ-ენის" ინფორმაციით, რთველის სუფსიდირებისთვის 10 მილიონზე მეტი ლარია გამოყოფილი.
აღდსანიშნავია, რომ სოფლის მეურნების სამინისტრო "რთველი 2011"-ის ფარგლებში კახეთში დაახლოებით 120 ათასი ტონა ყურძნის მოსავალს ელოდება, რაც გასულ წელთან შედარებით 25 %-ით მეტია.
შეგახსენებთ, რომ 2010 წელს რთველის სუბსიდირებისთვის მთავრობის სარეზერვო ფონდიდან 6,1 მილიონი ლარი გამოიყო. მევენახეებს სუბსიდიის მიღება ყურძნის ჩაბარებიდან სამი თვის განმავლობაში შეეძლოთ.
2010 წელს ღვინის ქარხნებმა ერთი კილოგრამი საფერავის ჯიშის ყურძენი 40 თეთრად ჩაიბარეს და სუბსიდიის სახით დამატებით 25 თეთრი გაიცემოდა. რქაწითელში 30 თეთრს ღვინის ქარხანა იხდიდა, 15 თეთრი სუბსიდიიდან გაიცემოდა. გასულ წელს, რამდენიმე დღის განმავლობაში, რქაწითელის ჯიშის ყურძნის ჩასაბარებელი ფასი 45-იდან 80 თეთრამდეც გაიზარდა.