ძველ ბათუმში, ნოე ჟორდანიას N24-ში ახალი ევროპული ტიპის ბარი გაიხსნა, რომელიც განსაკუთრებით ყავის მოყვარულთათვის გახდება მიმზიდველი. აჭარის ტურიზმის დეპარტამენტის ინფორმაციით, ბარში შესაძლებელია ნამდვილი იტალიური ყავის Lavazza-ს დაგემოვნება. იტალიური ტექნოლოგიით მზადდება ყავის ისეთი სახეობები, როგორიცაა ესპრესო, ორმაგი ესპრესო, ლატე, კაპუჩინო, ამერიკანო, ცივი ყავა ბეილისით და ა.შ
ყავასთან ერთად „ესპრესო ბარი სინატრა" ფრანგულ ბლინებსა და კრუასანებს, მაფინებსა და სხვა ტკბილეულსაც სთავზობს სტუმარს. აღსანიშნავია, რომ ყავის დაგემოვნება შესაძლებელია არა მარტო ადგილზე, არამედ თან წაღებითაც.
