ჟენევაში ITU Telecom World-ზე 60 ინოვატორს შანსი ეძლევა, ინდუსტრიის ლიდერებს თავისი იდეები წარუდგინოს. ეკონომიკისა და მდგრადი განვითარების სამინისტროს ინფორმაციით, შეცვალეთ მილიონობით ადამიანის ცხოვრება - ეს შანსი 18-დან 25 წლამდე ასაკის ყველა ახალგაზრდას ITU Telecom World 2011-ის ფარგლებში დაგეგმილ კონკურსზე ეძლევა.
სამინისტროში განმარტავენ, რომ გლობალური კონკურსი პირველ ეტაპზე 60 ახალგაზრდა ინოვატორს აირჩევს, რომლებსაც შანსი ეძლევათ, ჟენევაში (24-26 ოქტომბერს) წარმოადგინონ ICT ინდუსტრიაში თავიანთი ბრწყინვალე იდეები. გამგზავრება და დარჩენა ჟენევაში სრულად იქნება ანაზღაურებული ITU-ს მიერ.
ფინალისტებს შანსი აქვთ, გაიყონ ფულადი ჯილდო 50 000 შვეიცარული ფრანკის ოდენობით, რაც მათ ბრწყინვალე ციფრული ოცნებების ახდენაში დაეხმარებათ.
ინდუსტრიის კონსულტანტები გამარჯვებულ 6 მონაწილეს შემდგომაც გაუწევენ კონსულტაციებს, რათა მათი ხედვები რეალობად იქცეს.
მონაწილეები შეფასდებიან ინოვაციების, ტექნიკურ-ეკონომიკური აზროვნების და გამოცდილების მიხედვით. თითოეული კატეგორიიდან შეირჩევა 60 პოპულარული იდეა, რომლებიც წარედგინება მაღალი დონის ექსპერტთა ჯგუფს და ისინი შეარჩევენ ფინალისტებს.
მათ ასევე საშუალება ექნებათ, ITU Telecom-ის ბლოგზე განათავსონ საკუთარი ფოტოები, ვიდეო და აუდიო პოდკასტები. განაცხადის შევსების ბოლო ვადაა 15 სექტემბერი.
