სადაზღვეო ბიზნესი მზადაა აგრო სექტორი აქტიურად დააზღვიოს, ამ მიზნით, USAID-ის პროგრამა ეკონომიკური აღმავლობის ინიციატივის (EPI) ორგანიზებით და აჭარის სოფლის მეურნეობის სამინისტროს მხარდაჭერით, რეგიონის აგროსასურსათო სექტორში (მეციტრუსეობა, მეთევზეობა,მევენახეობა,მეკარტოფილეობა) მოქმედ ფერმერებსა და სადაზღვევო სექტორის წარმომადგენლებს შორის შეხვედრა გაიმართა.
აჭარის სოფლის მეურნეობის სამინისტროს ინფორმაციით, შეხვედრის მიზანს წარმოადგენდა რეგიონის აგროსასურსათო სექტორში სადაზღვევო მომსახურების დანერგვა და ამ მიმართულებით სადაზღვევო კომპანიების პირობების შესახებ აგრომეწარმეთა ინფორმირებულობა.
შეხვედრაში მონაწილეობას ღებულობდნენ სადაზღვევო კომპანიები ,,იმედი L'', ,,ალდაგი ბი-სი-აი'', ,,ჯი-პი-აი ჰოლდინგი'', ,,აისი ჯუფი'' და ,,მზღვეველთა ასოციაცია'', რომლებმაც აგრომეწარმეებს წარუდგინეს პრეზენტაცია თავიანთი სამოქმედო გეგმისა და სადაზღვევო პოლიტიკის შესახებ.
ფერმერთა განმარტებით, მათთვის მნიშვნელოვანი იყო აღნიშნული შეხვედრა, სადაც მათ მიიღეს დეტალური ინფორმაცია სადაზღვევო პროდუქტებისა და დაზღვევის გამოთვლის შესახებ.
