ცენტრალურმა ხელისუფლებამ ბათუმის მერიას 1 მლნ. 565 ათასი ლარის საგადასახადო დავალიანება ჩამოაწერა.
როგორც სააგენტო "ჯი-ეიჩ-ენს" ბათუმის მერიაში განუმარტეს, საუბარია 2003 წელს წარმოქმნილ დავალიანებაზე, უფრო კონკრეტულად კი საბაჟო გადასახადზე, რომლის ფარგლებშიც მერიამ რამდენიმე დასახელების პროდუქცია შემოიტანა და საბაჟო გადასახადის დაფარვა კი ვერ შეძლო.
აღსანიშნავია, რომ ბათუმის მერიას სალდირებული საგადასახადო დავალიანების სახით 1565051.58 ლარი ერიცხებოდა, თუმცა რეგიონსა და ცენტრს შორის მიღწეული შეთანხმებით ცენტრალურმა ხელისუფლებამ ბათუმის მერიას ვალი ჩამოაწერა.