2011 წლის ივლისში "Fitch Ratings"-მა ახალი - მდგრადობის რეიტინგი (VR) შემოიღო. ამ რეიტინგით სააგენტო მსოფლიოს საფინანსო დაწესებულებების კრედიტუნარიანობას აფასებს.

"პროკრედიტ ბანკი საქართველოს" რეიტინგებია:
• გრძელვადიანი უცხოური და ეროვნული ვალუტის IDR (ემიტენტის დეფოლტის რეიტინგი) - "BB-", პოზიტიური პერსპექტივით;
• მოკლევადიანი უცხოური და ეროვნული ვალუტა IDR - "B";
• მდგრადობის რეიტინგი - ~b+~;
• მხარდაჭერის რეიტინგი - "3";
• ინდივიდუალური რეიტინგი - "D".
სააგენტო "Fitch Ratings": "პროკრედიტ ბანკის" გრძელვადიანი უცხოური ვალუტის IDR (ემიტენტის დეფოლტის რეიტინგი) 'BB-' რეიტინგის მინიჭება განპირობებულია გერმანიაში მდებარე მისი სტრატეგიული პარტნიორის -"პროკრედიტ ჰოლდინგ AG"-ის მხარდაჭერით ("BBB-"/სტაბილური; "პროკრედიტ ბანკი საქართველოს" 100% წილის მფლობელი). თუმცა, ბანკის რეიტინგი შეზღუდულია საქართველოს ~ქვეყნის უმაღლესი ზღვრით~ - 'BB-' რეიტინგით. სარეიტინგო სააგენტო Fიტცჰ-ის აზრით, "პროკრედიტ ჰოლდინგს" აქვს სათანადო რესურსები და შესაძლებლობა "პროკრედიტ ბანკი საქართველოს" მხარდასჭერად, მაგრამ საქართველოში ვალუტის გადარიცხვასა და კონვერტირებასთან დაკავშირებული რისკის გამო აღნიშნული მხარდაჭერა რეიტინგებში სრულად ვერ აისახება. "პროკრედიტ ბანკის" გრძელვადიანი IDR სავარაუდოდ დამოკიდებული იქნება ქვეყნის ზღვრულ რეიტინგზე. გრძელვადიანი უცხოური ვალუტის IDღ პოზიტიურ პერსპექტივაში ქვეყნის
რეიტინგი აისახა. `ქვეყნის უმაღლესი ზღვრის~ - 'BB-' რეიტინგის გაუმჯობესების შემთხვევაში მოსალოდნელია ბანკის რეიტინგის გაუმჯობესებაც.

"პროკრედიტ ბანკი საქართველოს" ~b+~ მდგრადობის რეიტინგი აჩვენებს, რომ სექტორის სხვა ბანკებთან შედარებით, `პროკრედიტ ბანკი საქართველოს~ აქტივების ხარისხი ბევრად მაღალია. უმოქმედო კრედიტების მაჩვენებელი 2011 წლის პირველი ნახევრის მდგომარეობით, მთლიანი კრედიტების 1.4%-ია, რესტუქტურიზებული კრედიტების - 3.4%. " Fitch Ratings " აღნიშნავს ბანკის განვითარების მძლავრ დინამიკას. თუმცა, ამჟამად სექტორში კონკურენციის ზრდის გამო საპროცენტო განაკვეთების მარჟა ზომიერ ზეწოლას განიცდის, კაპიტალიზაციის დონე კვლავაც მაღალია, Basel II-ის (ბაზელის მეორე შეთანხმება) სტანდარტით, პირველადი და მთლიანი კაპიტალის მაჩვენებლები 2011 წლის პირველი ნახევრის მდგომარეობით, შესაბამისად, 16.4% და 25.7%-ია. ლიკვიდურობის მაჩვენებელი კვლავაც ინარჩუნებს სასურველ დონეს.
"ჩვენ ვამაყობთ იმით, რომ " Fitch "-მა ჩვენი რეიტინგები უცვლელად დატოვა. ჯერ კიდევ 2011 წლის მარტში, ჩვენი რეიტინგის `სტაბილური პერსპექტივა~ `პოზიტიურით~ შეიცვალა. ასე, რომ მომავალში შესაძლო შემდგომ გაუმჯობესებას ოპტიმიზმით ვუყურებთ. ის ფაქტი, რომ "პროკრედიტ ბანკს" საქართველოს ბანკებს შორის საუკეთესო და ყველაზე მაღალი შესაძლო რეიტინგი აქვს, ნათლად აჩვენებს, რომ ბანკის განვითარება და ფინანსური შედეგები ძლიერი და სტაბილურია", - აცხადებს "პროკრედიტ ბანკის" დირექტორი საშა ტერნესი.