ხალხის სურვილი არის დემოკრატია და არა ერთი გადარეული ხელისუფალის ყველა სიტყვის შესრულება. ამის შესახებ ქართული პარტიის ლიდერმა სოზარ სუბარმა ამერიკის საელჩოსთან მიმდინარე საპროტესტო აქციაზე სიტყვით გამოსვლისას განაცხადა.
მისი თქმით, საქართველოს სჭირდება დახმარება ამერიკისგან, რაც გამოიხატება ქართველი ხალხის და არა ავტოკრატიული ხელისუფლების მხარდაჭერაში.
"დღეს თუ დემოკრატიული საზოგადეობის და მათი ფლაგმანის ამერიკის ნება იქნება მთავრობა ერთ დღეში შეიცვლება. შეიცვლება ეს მდგომარეობაც, რაც ჩვენს ქვეყანაში არის. ეს გამოიხატება იმაში, რომ გვყვს ბევრი პოლიტ-პატიმარი. არადემოკრატიული მთავრობა და სასამართლო და ა.შ. ერთი მკაცრად ნათქვამი სიტყვა და ერთ დღეში იქნება სიტყვის თავისუფლება და ციხეებიდან გამოვლენ პოლიტ-პატიმრები. ერთ დღეში დაურიგებათ მართვის მოწმობები იმ მძღოლებს, რომლებსაც მხოლოდ იმის გამო წაართვეს ეს მოწმობები, რომ ჩვენს პარტიას ბათუმში საპროტეტსო აქციაზე ხალხის გადასაყვანად გამოყვნენ", - განაცხადა სუბარმა.
სოზარ სუბარმა და ქართული პარტიის ერთ-ერთმა ლიდერმა ეროსი კიწმარიშვილმა რამდენიმე წუთის წინ ამერიკის საელჩოში შეიტანეს აშშ-ს პრეზიდენტ ბარაკ ობამას სახელზე დაწერილი მიმართვა.
