"ლოზუნგი - აშშ-ის საელჩოსთან ონკანების გადაკეტვა, არა მგონია, ქვეყნის ინტერესს წაადგეს. მით უფრო, ამ უპრეცენდენტო მხარდაჭერის ფონზე, თუნდაც კლინტონის მხარდაჭერის ფონზე, რაც ბოლო დროს აშშ-ის ადმინისტრაციისგან იგრძნობა. ახლა აქ საჰაერო სივრცეს ვერავინ გადაკეტავს", - აღნიშნა "ჯი-ეიჩ-ენთან" საუბრისას "ქართული აკადემიის" წარმომადგენელმა ნუკრი ქანთარიამ.
მისი თქმით, იმ ძალებს, რომლებიც აშშ-ის საელჩოსთან საპროტესტო აქციებს აწყობენ, ალბათ სხვა რამ აქვთ ჩაფიქრებული.
"ამ ერთ აქციაs კიდევ არა უშავს. ხოლო, თუ მსგავსი ტენდენცია გაღვივდება და მერე უკვე ამერიკის ადმინისტრაციის საწინააღმდეგოდ სხვა პროცესები დაიწყება, ეს ქვეყნისთვის სიკეთის მომტანი არ იქნება", - მიიჩნევს ქანთარია.
მისი თქმით, "ქართული აკადემია" მსგავს აქციას იმ შემთხვევაში მიესალმებოდა, თუ აქცია საარჩევნო გარემოს შეცვლასთან დაკავშირებით მოეწყობოდა.
"თუკი აშშ-ის საელჩოსთან აქციას იმ მოთხოვნით გამართავდნენ, რომ აშშ-მა საარჩევნო გარემოს შეცვლასთან დაკავშირებით პოზიცია მკვეთრად გამოხატოს, მეტი მხარდაჭერა და ზეწოლა მოახდინოს ჩვენს ხელისუფლებაზე, ცუდი არ იქნება. თუმცა ოქრუაშვილის პარიზული ტექსტი არ მაძლევს ასეთი რამის თქმის საშუალებას",_აღნიშნა ნუკრი ქანთარიამ.
