მოსკოვის საოლქო სასამართლოში - დაუსწრებლად და დახურულ რეჟიმში - საგარეო დაზვერვის ყოფილი პოლკოვნიკის ალექსანდრე პოტეევის საქმის განხილვა დაიწყო. მას აშშ-სათვის რუს მზვერავთა ჯგუფის გადაცემა ედება ბრალად, მათ შორის ამჟამად უკვე საზოგადო ფუგურის - ანა ჩაპმანის. ინფორმაციას ამის შესახებ რუსული მედია ავრცელებს.
პოლკოვნიკი ალექსანდრე პოტეევი აშშ-ში გაიქცა და მას სახელმწიფო ღალატი და დეზერტირობა ედება ბრალად.
აღსანიშნავია, რომ ათი რუსი აგენტი -არალეგალი აშშ-ს სპეცსამსახურებმა 2010 წლის 27 ივნისს დააკავეს. კიდევ ერთი ადამიანი კვიპროსზე იქნა დაკავებული თუმცა მან გაქცევა და მიმალვა შეძლო.
ეს სკანდალი, რუსეთის პრეზიდენტის მიერ აშშ-ში განხორციელებული ვიზიტის შემდეგ სამ დღეში დაიწყო, პოტეევი, რუსეთის "ეფ-ეს-ბეს" ინფორმაციით, რუსეთიდან გაიქცა პრეზიდენტის ამ ვიზიტამდე რამდენიმე დღით ადრე, მანამდე კი თავისი შვილები საზღვარგარეთ გააგზავნა.
აღსანიშნავია, ასევე, რომ თავდაპირველა ინფორმაცია ათი რუსი ჯაშუშის დაკავების შესახებ რუსეთში სკეპტიკურად იქნა აღთქმული. თუმცა მალევე რუსეთის საგარეო საქმეთა სამინისტრომ დაადასტურა, რომ ყველა დაკავებული რუსეთის მოქალაქეა.
ჯაშუშები მალევე გაცვალეს. გაცვლის პროცესი ვენის აეროპორტში გაიმართა. ოქტომბერში რუსეთის პრეზიდენტმა მედვედევმა აშშ-დან გამოძევებული აგენტები დააჯილდოვა. ინფორმაცია იმის შესახებ, რომ აგენტები, სწორედ პოტეევმა "ჩაუშვა" გასული წლის ზაფხულში თავად "ეფ-ეს-ბეს"-გან გავრცელდა.
