ანაკლიაში პატრიოტთა ბანაკის, რეფორმისათვის მთავრობა 650 ათას ლარს დახარჯავს. პროგრამა „პატრიოტის"-ის ფარგლებში ანაკლიის პატრიოტთა ბანაკში რიგი სამშენებლო და სარემონტო სამუშაოების სპორტისა და ახალგაზრდობის საქმეთა სამინისტროს, მთავრობის სარეზერვო ფონდიდან 650 ათასი ლარი გამოყო. სპორტისა და ახალგაზრდობის საქმეთა სამინისტროს ინფორმაციით, ბანაკი ოფიციალურად 25 მაისს გაიხსნება.
სამინისტროში აცხადებენ, რომ „პატრიოტის" სრულყოფისა და მართვის ოპტიმიზაციის მიზნით, 2011 წელს პროგრამის რეორგანიზაცია განხორციელდა. ბანაკებში ამოქმედდება თემატური ჯგუფები. პროგრამის მონაწილეებს საშუალება ექნებათ აირჩიონ მათთვის საინტერესო ჯგუფი, რომელიც კონკრეტული უნარ-ჩვევების განვითარებას შეუწყობს ხელს. დაწესდება ასევე კონკრეტული კვოტები პროგრამის მონაწილეთა სიებში, რაც უზრუნველყოფს საქართველოში მცხოვრები ეთნიკური უმცირესობის წარმომადგენელთა, ბავშვთა სახლების აღსაზრდელთა, შეზღუდული შესაძლებლობების მქონე პირთა მონაწილეობას „პატრიოტში".
შეგახსენებთ, რომ 2005-2010 წლებში ახალგაზრდული საზაფხულო ბანაკები საქართველოს სხვადასხვა რეგიონებში იხსნებოდა, იცვლებოდა და იხვეწებოდა მათი ინფრასტრუქტურა, ცხოვრების პირობები. თუკი, 2005-2006 წელს „პატრიოტის" საზაფხულო ბანაკები საველე პირობებში ხორციელდებოდა, 2007-2009 წლებში აშენდა ხის კოტეჯები, 2010 წელს კი შეიქმნა ევროპული სტანდარტების შესაბამისი საერთაშორისო მასშტაბის ბანაკი „ანაკლია".
